Rrëshen, 31 maj NOA - Një plagosje me armë zjarri ka ndodhur sot në qytetin e Rrëshenit.
Agustin Lika 30-vjeç u plagos në afërsi të sheshit "Abat Doçi" të qytetit të Rrësheni dhe u dërgua menjëherë në spital ku pas ndërhyrjes mjekësore ndodhet jashtë rrezikut për jetën.
Menjëherë pas marrjes së informacionet për ngjarjen oficerët e policisë kriminale të Lezhës mbërritën në qytetin e Rrëshenit ku dhe nisën hetimet për të zbuluar autorin e ngjarjes.
Burime nga policia thanë se janë marrë në pyetje dëshmitarët e ngjarjes por asnjëri prej tyre nuk ka dhënë detaje për të ndihmuar policinë të zbardhë identitetin e autorit të plagosjes.
Ndërkohë që të njëjtin qëndrim ka mbajtur edhe i plagosuri i cili nuk ka pranuar të kryejë denoncim.
Por pavarësisht mungesës së të dhënave nga personat e pyetur, policia po vazhdon më tej hetimet për të zbuluar rrethanat e kësaj ngjarjeje.
k.k/NOA
