Shkodër, 8 qershor, NOA - Forcat e policisë kanë arrestuar në flagrancë Elvis Cungelin, vjeç 23, lindur e banues në lagjen "Perlat Rexhepi", Shkodër, pasi pas një kontrolli rezultoi të fshihte armë dhe fishekë brenda një automjeti.
Sipas të dhënave për agjencinë e Lajmeve NOA, në postbllokun e ngritur nga policia, kur u bë ndalimi i automjetit tip Benz 200, me targë SH 5552 E, i cili kishte për drejtues M.SH., dhe udhëtonte me Elvis Cungelin, gjatë kontrollit të ushtruar në bagazhin e këtij automjeti u gjet një armë zjarri automatik, me tre krehëra, me nga 30 fishekë secili, si edhe një çantë për mbajtjen e krehërave të fishekëve, të cilat u sekuestruan në cilësinë e provës materiale.
Gjatë kryerjes së veprimeve hetimore, rezultoi se arma e përshkruar më lart, i përkiste Elvis Cungelit.
n.e/NOA
