Tiranë, 18 qershor NOA - Kreu i Partisë Demokristiane, Nard Ndoka ka reaguar sot fill pas krimit ku mbeti i vdekur kreu i kësaj partie për Malësinë e Madhe Aleksandër Keka.
Ndoka ndodhej në Shkodër në kohën kur ndodhi atentati, ndërsa mësohet se Keka ishte nisur drejt tij për tu takuar me të kur shpërtheu makina me të cilin ai po udhëtonte. Në një prononcim të tij, Ndoka e cilësoi vrasjen si produkt i klimës politike dhe akuzoi për këtë nënkryetaren e PD-së Jozefina Topalli. "Zonja Topalli, e cila është një monter në politike,po përdor një fjalor që kërkon gjak, nënshtrim, asgjësim. Politikanë të tille janë fatkeqësi kombëtare", tha Ndoka.
k.k/NOA
