Londër, 20 qershor, NOA - Rekordi Guiness vlerëson se personi më i moshuar mashkull që ka mbetur tani në botë është britaniku Henry Alingham, 113 vjeç.
Kjo pasi pak ditë më parë ka vdekur japonezi Tomoji Tanabe, i cili kishte një vit më shumë se ai.
Alingham më 6 qershor i ka mbushur 113 vjet dhe është një nga dy veteranëve të gjallë të Luftës së Parë Botërore në Britani. I dyti është Harry Patch i cili ka 110 vjet. Rekorderi i ri, i lindur më 1896 ka pesë nipa, 12 stërnipa, 14 stër-stërnipa dhe një stër-stër-stërnip.
Ndërkaq, personi më i moshuar në botë mësohet se është një femër, e cila jeton në Kinë, në moshën 115 vjeçare.
