Korçë, 22 qershor NOA - Fund tragjik ka pësuar një grua 40-vjeçare në Korçë, pasi u mbyt në lumë, duke dështuar në përpjekjet për të qëndruar në jetë.
Ngjarja ndodhi sot pasdite, në ujërat e lumit Dunavec, pak kilometra larg qytetit të Korçës, bën të ditur korrespondentja e agjencisë së lajmeve NOA.
Vera Docaj, 40 vjeçe, lindur e banuese në fshatin Belortajë të rrethit Korçë, nënë e tre fëmijëve, u gjet e mbytur në lumin Dunavec.
Kalimtarët që kanë zbuluar gruan që qëndronte pa lëvizur në ujë, lajmëruan policinë dhe kjo e fundit bashkë me mjekun ligjor, konfirmuan vdekjen e të ndjerës nga mbytja në lumë.
Policia tha se po heton për ngjarjen, në pistën e mbytjes aksidentale por edhe të vetëmbytjes së mundshme, për shkak se e ndjera rezultonte prej tre ditësh e zhdukur.
a.f/NOA
