Marsejë, 17 korrik, NOA - Eshtë ndarë sot nga jeta, pasi nuk ka mundur t'u rezistojë dot plagëve të rënda, punëtori i dytë i skenës, e cila u rrëzua dje duke u ndërtuar për koncertin e yllit të popit, Madonna.
Në momentin e rrëzimit, mësohet se ka vdekur direkt një punëtor, ndërsa janë plagosur 7 të tjerë.
Menjëherë pas kësaj, Madona dhe menaxherët e saj kanë marrë vendimin e anullimit të koncertit të 19 korrikut në stadiumin "Velodrome" të ekipit të futbollit "Olympique Marseille" në Francë.
Maurice Di Nocera, një zyrtar i qytetit të Marsejës, tha se ishte rrëzuar tavani i skenës dhe se kishin përfunduar 2/3 e punimeve.
Punëtori i vrarë ishte një 53-vjeçar francez, ndërsa dy nga të plagosurit e tjerë, një amerikan dhe një shtetas britanik, janë në gjendje të rëndë.
Bashkia e Marsejës tha se të gjithë viktimat punonin për një kompani të quajtur "Live Nation", e cila ishte duke përgatitur shfaqjen.
Madonna ndodhej në Udine të Italisë në momentin e aksidentit dhe ka njoftuar se ishte e shkatërruar sapo kishte marrë këtë lajm tragjik, duke ngushëlluar familjet e atyre që humbën jetën.
Koncerti i Marsejës, ishte pjesë e turneut botëror të Madonnës "Sticky and Sëeet".
n.e/NOA
