Durrës, 19 Korrik NOA - Një burrë në moshë të thyer gjeti vdekjen paraditen e së dielës pasi u përfshi në një aksident, për të cilin policia ka bërë shoqërimin e një personi.
Ngjarja sikundër informon korrespondenti i agjencisë së lajmeve NOA, ka ndodhur në rrugën që lidh Sukthin me Ishmin në afërsi të fshatit Hamallaj.
Kalimtari 69-vjeçar, Hasan Shehi ishte duke u përpjekur të kalonte rrugën për të shkuar në vendbanimin e tij, kur një automjet tip "Benz" e përfshiu nën rrota duke i shkaktuar plagë fatale.
I moshuari ka gjetur vdekjen, kurse me mbërritjen e policisë, është bërë shoqërimi i të riut Alfred Bardhi, i cili drejtonte automjetin e përfshirë në aksident.
/v.m/k.k/NOA/
