Dragash, 27 Korrik NOA - Një tjetër rast i dhimbshëm vdekje fëmije të vogël ka ndodhur, këtë radhë në fshatin Buzez të komunës Dragash, ku ka humbur jetën një vajzë dy vjeçare.
Policia vendase i ka thënë agjencisë së Lajmeve NOA se ngjarja ndodhi dy ditë më parë në fshatin Buzez, kur një shofer nga fshati Kuk i Dragashit kishte shkuar te dajo i tij në një gëzim familjar, dasmë.
Pasi kishin zbritur nga vetura bashkëshortja dhe fëmijët, shoferi kishte bërë që ta kthente pas makinën e tij tip veturë.
Por duket se këtë e ka bërë pa u siguruar mirë, sepse me veprimin që ai ka ndërmarrë, në mënyrë aksidentale ka shkelur vajzën e tij vetëm dy vjeçe.
Ngjarja rezultoi fatale për të voglën e cila sido që u dërgua në një mjek pediatër, ky i fundit, e vetmja gjë që mund të bënte, ishte që të konfirmonte vdekjen e saj.
a.b/NOA
