Pukë, 29 korrik NOA-Një tjetër aksident rrugor është shënuar mesditën e sotme duke rritur në këtë mënyrë bilancin e vdekjeve si pasojë e tyre. Viktima e rradhës ka qenë drejtuesi i automjetit, një 45 vjeçar.
Ngjarja tragjike ndodhi në Pukë, në në vendin e quajtur Arrëz- Miliska në aksin rrugor Qafë Mali- Bajram Curri. Automjeti tip kamion i drejtuar nga 45-vjeçari Gafur Dervishi, doli nga rruga dhe përfundoi rreth 100 metra poshtë rrugës.
Megjithë përpjekjet e policisë e cila mbërriti shpejt në vendngjarje, viktima nuk mund t'i shpëtonte vdekjes për shkak të plagëve të rënda.
 Policia po bën zbardhjen e plotë të aksidentit i cili mendohet se ka si shkak shpejtësinë e madhe me të cilën udhëtonte kamioni.
m.i/NOA
Â
