Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Konfindustria: Biznesi kërkon zgjidhje sa më parë mbi problemin e vizave
English

Konfindustria: Biznesi kërkon zgjidhje sa më parë mbi problemin e vizave

Tiranë, 31 korrik, NOA - Konfindustria i kërkon qeverisë shqiptare që krahas me vazhdimin e punës për plotësimin e të gjithave kushteve të kërkuara nga Bashkimi Europian për liberalizimin e regjimit të vizave, të marrë në konsideratë edhe vendosjen e sistemit të njëjtë të reciprocitetit të pajisjes me viza për qytetarët e vendeve të BE, deri në heqjen përfundimtare të dyanshme.

"Nga sistemi i sipërpërmendur të bëjnë përjashtim qytetaret e vendeve të Bashkimit Europian me kombësi shqiptare", pohon lidhur me një fakt të tillë, administratori i Kofindustrias, Gjergj Buxhuku.

Sipas tij, Konfindustria detyrohet të paraqesë këtë kërkesë nisur nga shqetësimet e vazhdueshme të industrive vendore për vështirësitë në pajisjen me viza udhëtimi për arsye pune të personelit të tyre për në vendet e Bashkimit Europian, që kanë shkaktuar mjaft probleme dhe kosto shtesë dhe kur dihet se shkëmbimet tregtare me vendet e Bashkimit Europian zënë mbi 80% të totalit të tregtisë së Shqipërisë.

Arsye tjetër në paraqitjen e kërkesës së vendosjes së reciprocitetit të sistemit të vizave me vendet e Bashkimit Europian është edhe vendimi i korrikut 2009 të Brukselit për të lënë në rradhën e fundit Shqipërinë krahësimisht vendeve të tjera të Ballkanit Perëndimor për lëvizjen e lirë në hapësirën Shengen.

"Konfindustria, në kërkesën e saj për vendosjen e reciprocitetit të sistemit të vizave Shqipëri-Bashkimi Europian ka parasysh edhe përvojën e ndjekur nga vende të tjera të rajonit, që sot janë anëtare me të drejta të plota të Bashkimit Europian", shton më tej Buxhuku.

n.e/NOA

KOMENTE