Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Berisha: Së shpejti një projektligj për shitjen e tokës për qytetarët me origjinë shqiptare
English

Berisha: Së shpejti një projektligj për shitjen e tokës për qytetarët me origjinë shqiptare

Tiranë, 5 gusht NOA - Kryeministri Berisha i kërkoi Ministrit së Bujqësisë që brenda muajit gusht të sjellë në qeveri ligjin për shitjen e tokës në të gjitha format, për të gjithë qytetarët me origjinë shqiptare, kudo që ata janë.

Berisha bëri sot të ditur në mbledhjen e Këshillit të Ministrave se qeveria do të hartojë së shpejti një projektligj për shitjen e tokës për qytetarët me origjinë shqiptare.

"Toka në Shqipëri shitet për truall, por nuk shitet për qëllime të tjera. Duhet që ligji të përgatitet me kujdesin më të madh, në mënyrë që çdo shtetas që ka nënën ose babanë shqiptar, që ka origjinë shqiptare, do të kërkoja që të mos ndiqnim vetëm linjën nga babai, por të pranojmë edhe atë të nënës, të kenë të drejtë të blejnë tokë në Shqipëri. Do të përdoren të dyja format, diku kombësia dhe diku origjina, sepse ka vende të cilat njehsojnë kombësinë me shtetësinë dhe kjo i përjashton më pas," u shpreh Berisha.

Kryeministri Berisha theksoi se në këtë rast procedurat e blerjes së tokës do të jenë të njëjta si edhe për qytetarët me shtetësi shqiptare.

"Ka edhe qytetarë shqiptarë që detyrohen të lënë shtetësinë dhe të marrin një shtetësi tjetër për shkak të rregullave që ka vendi ku jetojnë. Ndaj shqiptarët do të jenë një në trajtimin e problemit të pronësisë në këtë vend. Procedura do të jetë identike si për qytetarët me shtetësi shqiptare, nuk do të ketë asnjë procedurë shtesë" tha më tej kreu i qeverisë.

Kryeministri Berisha tha se ky ligj do të plotësohen në vitet që vijnë me hapin tjetër, ku e drejta e blerjes së tokës jo vetëm për truall, pavarësisht nga kombësia dhe shtetësia, do t'u jepet edhe qytetarëve të vendeve anëtare të BE-së.

k.k/NOA

KOMENTE