Kavajë, 12 gusht NOA - Aksidentet në rrugë kanë shkaktuar sërish viktima në masë.
Kësaj here bëhet fjalë për tre persona të vdekur dhe një i plagosur rëndë.
Aksidenti i rëndë ka ndodhur sot pak pas mesditës në autostradën Durrës-Kavajë në Qerret, kur një autobot uji është përplasur me një automjet tip golf me targa greke, duke shkaktuar vdekjen e tre personave dhe plagosjes e një tjetri.
Viktimat sipas policisë ndodheshin në automjeti tip-golf me targa të huaja.
Në vendin e ngjarjes mbërritën ekspertët e aksidenteve për të zbardhur rrethanat ndërsa bënë të mundur nxjerrjen e trupave nga makina.
Burime nga policia thanë për agjencinë e lajmeve NOA se në makinën me targa të huaja ndodheshin katër persona ku vetëm njëri prej tyre kishte shenja jete dhe pas ndërhyrjes së parë mjekësore mundi të fliste.
Ai quhet Fatmir Alliu dhe është nga Librazhdi.
Ndërkohë që sipas tij, viktimat janë Celik Dashi 21-vjeç, Fajtona Alliu 27-vjeçe dhe një tjetër grua rreth 50-vjeçe emri i së cilës ende nuk është bërë i ditur.
Policia po punon për të zbardhur rrethanat e këtij aksidenti tragjik ndërsa ka shoqëruar drejtuesin e autobotit deri në sqarimin e shkaqeve të ngjarjes rrugore.
k.k/NOA
