Tiranë, 20 gusht NOA - Partia Demokratike ka reaguar sot për deklaratën e deputetit të Partisë Socialiste Saimir Tahiri i cili tha se emërimi i Prefektit të Tiranës është dëshmia e radhës së pushtetit abuziv e financiar të Sali Berishës.
"Edi Rama nxori sot Sajmir Stilolapsin për të mashtruar trilluar dhe shpifur siç tashmë bën çdo ditë.
Edi Rama ky humbës i madh që ka frikë nga ligji se e dhunon çdo ditë atë, tmerrohet nga emërimi i prefektit të ri të Tiranës, juristit Keltis Kruja, njërit prej drejtuesve kryesorë të Forumit Rinor të Partisë Demokratike në këto 12 vitet e fundit" deklaroi zëdhënësja e Partisë Demokratike, Erla Mëhilli.
"Ramën dhe ndonjë tjetër si ai, që e konsiderojnë Tiranën si çiflig të aferave të tyre të pista për të grabitur pronat e qytetarëve, për t'i dhënë dy firmave të veta 70% të lejeve të ndërtimit e që po ndërton edhe qytezën me Delijorgjin, e tmerron çdo ide që synon zbatimin dhe forcimin e ligjit dhe shtetit ligjor në territorin e prefekturës së Tiranë" përfundoi Mëhilli.
k.k/NOA
