Prishtinë, 24 gusht NOA-Kryeministri Hashim Thaçi i ka uruar mirëseardhjen ambasadorit Dell, dhe i ka shprehur atij konsideratat më të larta për angazhimin dhe kontributin shumëvjeçar të tij në mbështetje të Kosovës dhe popullit të saj.
Thaçi njëkohësisht ka falënderuar SHBA-të për mbështetjen dhe përkrahjen e pa rezervë gjatë gjithë proceseve nëpër të cilat ka kaluar Kosova.
Z. Christopher W. Dell u shpreh i kënaqur me faktin se sërish ndodhet në misionin e tij në Kosovë, duke premtuar bashkëpunim të ngushtë me Qeverinë e Republikës së Kosovës për forcimin e më tejmë të marrëdhënieve historike midis Kosovës dhe SHBA-ve.
Ambasadori Christopher W. Dell rikonfirmoi mbështetjen e SHBA-ve për Kosovën, për përkushtimet e Qeverisë së Republikës së Kosovës ndërtimin e shtetit ligjor, zhvillimin ekonomik dhe integrimin e vendit në institucionet euro-atlantike.
