Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
I mituri udhëton pa patentë, braktis të plagosurin pas aksidentit dhe zhduket
English

I mituri udhëton pa patentë, braktis të plagosurin pas aksidentit dhe zhduket

Durrës, 31 gusht, NOA - Eshtë vetëm 16-vjeç, por kaq duket se i ka mjaftuar për të drejtuar një makinë pa patentë, madje të shkaktojë edhe një aksident me pasojë plagosjen e një personi.

Burime policore nga drejtoria e Durrësit, thanë sot për agjencinë e Lajmeve NOA, fjala është për personin me iniciale L.M, banues në Durrës, i cili dyshohet të jetë autor i aksidentit në rrugën "Taulantia" të këtij qyteti, me mjetin që drejtonte tip "Golf" pa targa.

Bëhet e ditur se si pasojë e këtij aksidenti, ai ka plagosur 13-vjeçarin me iniciale L.D, lindur dhe banues në Durrës, sikundër thuhet edhe se drejtuesi i mjetit pasi ka bërë aksidentin është larguar menjëherë nga vendi i tij.

Pas aksidentit, i dëmtuari është dërguar në spitalin e Durrësit ku dhe ndodhet i shtruar jashtë rrezikut për jetën.

Ndërsa, automjeti tip golf pa targa është gjendur i braktisur në lagjen nr.1 të Durrësit ku u bë bllokimi dhe sekuestrimi i tij në pikën e automjeteve në Rrazhbull.

Po punohet për kapjen e autorit të këtij aksidenti, ndërsa materialet do t'i dërgohen prokurorisë së Durrësit për veprën penale të "Shkeljes së rregullave të qarkullimit rrugore" dhe "Largim nga vendi i aksidentit", "Drejtim i automjetit pa dëshmi aftësie", vepër penale e parashikuar nga nenet 290/1 273 e 291 të Kodit Penal.

n.e/NOA

KOMENTE