Tiranë, 19 Shtator NOA - Zëvendëskryeministri dhe Ministri i Punëve të Jashtme Ilir Meta priti sot, në mjediset e Ministrisë së Jashtme Përfaqësuesen e Përhershme të Programit të Zhvillimit të Kombeve të Bashkuara (PNUD) dhe Koordinatore e Përhershme e KB në Shqipëri Ga¼lden Ta¼rka¶z-Cosslett.
Takimi erdhi para nisjes së z. Meta të hënën së bashku me kryeministrin Sali Berisha në SHBA, për të marrë pjesë në Sesionin e 64 të Asamblesë së Përgjithshme të Organizatës së Kombeve të Bashkuara, në Nju Jork.
Përfaqësuesja e Përhershme Türköz-Cosslett informoi z. Meta për axhendën e Prezencës së PNUD-it në Shqipëri, sikurse është projekti pilot NJË-OKB, si dhe për prioritetet e axhendës së Asamblesë së Përgjithshme të OKB-së (ndryshimet klimaterike, takimi vjetor i Aleancës së Civilizimeve, etj).
Meta në takim tha se rikonfirmonte interesimin e Qeverisë shqiptare për të vazhduar dhe thelluar më tej bashkëpunimin me Prezencën e PNUD-it në Shqipëri për projektet në proçes.
Nga ana tjetër, ai shprehu gatishmërinë për një bashkëpunim aktiv në kuadër të projekteve për Diplomacinë Kulturore dhe projektet e organizatës për punësimin, sidomos atij të rinisë dhe grave.
e.r/NOA
