Tiranë, 25 shtator NOA - Nesër, më datë 26 shtator, në orën 11:00 në mjediset e Qendrës Kulturore të Forcave të Armatosura do të organizohet veprimtaria përkujtimore me rastin e 80-vjetorit të krijimit të Spitalit Ushtarak Qendror Universitar (SUQU).
Në këtë ceremoni do të jetë i pranishëm ministri i Mbrojtjes z. Arben Imami, shefi i Shtabit të Përgjithshëm i FA-së gjeneral brigade Maksim Malaj, gjeneralë, drejtorë dhe ushtarakë të tjerë të lartë të Forcave tona të Armatosura, atashetë ushtarakë të akredituar në vendin tonë, mjekë ushtarakë veteranë, punonjës të këtij spitali, si dhe mjaft të ftuar të tjerë.
Gjithashtu priten të vijnë Presidenti i Republikës dhe personalitete të tjera të larta të shtetit dhe qeverisë.
