Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Delegacion i NATO-s viziton Kosovën, garanton mbështetjen për sigurinë e vendit
English

Delegacion i NATO-s viziton Kosovën, garanton mbështetjen për sigurinë e vendit

Prishtinë, 29 shtator NOA-Misioni i Aleancës Veriatlantike, NATO ka konfirmuar se Kosova mbetet një mision i rëndësishëm për të.

Drejtues të autoritetit më të lartë ushtarak të NATO-s gjatë një vizite në Prishtinë, kanë theksuar se zvogëlimi i pritshëm i trupave të KFOR-it, nuk do ta vë në rrezik sigurinë në Kosovë.

Aleanca Veriatlantike po ashtu ka theksuar se të gjitha vendet anëtare, përfshirë edhe katër që nuk e kanë njohur pavarësinë e Kosovës, po ndihmojnë në ngritjen e forcës së re kosovare të sigurisë.

Në një konferencë me gazetarë në Prishtinë, kreu i autoritetit më të lartë ushtarak të NATO-s, admirali Giampaolo di Paola, tha se 28 anëtarët e Aleancës janë njëzëri të përkushtuara për të përmbushur misionin e tyre për themelimin e Forcës së Sigurisë së Kosovës.

"NATO është angazhuar për themelimin e Forcës së Sigurisë së Kosovës dhe të gjitha shtetet anëtare janë pajtuar për këtë rol shtesë të NATO-s.

Çështja e statusit është dicka tjetër, nuk ka të bëjë asgjë me ndihmën për të themeluar Forcën e Sigurisë së Kosovës", u shpreh Di Paola.

Forca e Sigurisë së Kosovës është një forcë e re e armatosur lehtë, që po ngrihet për të ndihmuar në aspektet e sigurisë që kanë të bëjnë me mbrojtje civile.

Krahas themelimit të saj, NATO ka bërë të ditur synimin për të zvogëluar praninë e saj në Kosovë.

Nga rreth 14 mijë trupa sa ka tani, Aleanca planifikon që brenda dy vitesh, ta ulë numrin e paqëruajtësve të saj në rreth 2,500.

Â

KOMENTE