Durrës, 29 shtator, NOA - Forcat e policisë së Durrësit kanë mundësuar kapjen dhe ekzekutimin e urdhërave të ndalimit për dy persona të dyshuar si autorë të vrasjeve me thikë ndaj një personi ditën e zgjedhjeve, më 28 qershor në qytetin e Durrësit.
Sipas të dhënave policore për agjencinë e Lajmeve NOA, ata janë Romeo Braka, 21 vjeç dhe E.B, 17-vjeç, që të dy të lindur dhe banues në Fier.
Për këta dy persona, prokuroria e Durrësit ka dërguar urdhrat e ndalimit për veprat penale të " Vrasjes me paramendim kryer në bashkëpunim", të parashikuar nga nenet 78 dhe 25 të Kodit Penal.
Shërbimet e policisë menjëherë pas ngjarjes së ndodhur kanë vazhduar punën intensive pasi kanë zbardhur ngjarjen duke identifikuar autorët dhe marrjen e informacionit mbi vendodhjen e tyre.
Të shpallur në kërkim, ata janë mundur që të kapen dhe të vihen para drejtësisë, ndërsa materialet e mëtejshme tashmë i kanë kaluar prokurorisë.
n.e/NOA
Â
Â
