Korçë, 2 tetor, NOA - Forcat e policisë së Korçës kanë arrestuar në flagrancë 23-vjeçarin Mirjan Myrtollari, lindur dhe banues në fshatin Porodinë të Korçës.
Sipas të dhënave policore për agjencinë e Lajmeve NOA, arrestimi i tij u bë pasi në automjetin e tij tip "Citroen" me targë GM VM 124, iu gjet një sasi prej 5 doza bimë narkotike, e ngjashme me atë të llojit "Cannabis Sattiva".
U kryen veprimet proceduriale për veprën penale të "Prodhimit dhe shitjes së narkotikëve", parashikuar nga neni 283/1 i Kodit Penal.
Materialet do t'i kalojnë prokurorisë së Korçës.
n.e/NOA
