Bruksel, 2 tetor NOA-Ministri i Jashtëm i Turqisë Ahmet Davutogllu ka refuzuar t'i hapë portet dhe aeroportet e vendit të tij për Qipron pavarësisht ultimatumit evropian.
Kjo në shenjë pakënaqësie ndaj ritmit të ngadaltë të negociatave turke për anëtarësim në BE. Davutogllu tha sot në Bruksel se shpejtësia e hapjes së porteve dhe aeroporteve të Turqisë do të varet nga marrëveshja në bisedimet paqësore ndërmjet turqve qipriotë dhe grekëve qipriotë për ujdhesën e ndarë. Grekët e Qipros "duan ta detyrojnë Turqinë që t'i njohë, gjë që ne nuk do ta bëjmë", ka thënë Davutogllu.
