Bruksel, 7 tetor NOA-Suedia përfshiu në axhendën e diskutimit të përfaqësuesve të përhershëm të anëtarëve të BE, kërkesën e Shqipërisë për statusin e vendit kandidat.
Mësohet se përveç Gjermanisë, edhe Holanda shprehu rezerva që aplikimi të shqyrtohet përpara publikimit të progresit nga ana e Komisionit Evropian.
Shqyrtimi i aplikimit të Shqipërisë për statusin kandidat përfshihet për herë të parë nga Presidenca Suedeze në axhendën e diskutimeve të përfaqësuesve të përhershëm të vendeve anëtare të Bashkimit Evropian.
Sipas axhendës, nëse vendet anëtare bien dakord paraprakisht për t'i dhënë mandat Komisionit që të nis përgatitjen e opinionit mbi kandidaturën e Shqipërisë, ky vendim do të bëhet publik në 9 tetor, si pikë A, pa diskutime, në konkluzionet e Këshillit të Ministrave të Transporteve.
