Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
PDK, LZHK, PLD dhe PBD mbështesin protestat e opozitës: Të hapen kutitë e votimit
English

PDK, LZHK, PLD dhe PBD mbështesin protestat e opozitës: Të hapen kutitë e votimit

Tiranë, 7 tetor NOA - Katër Parti Politike të Qendrës së Djathtë kërkuan hapjen e kutive ndërsa mbështetën bojkotin e opozitës.

Përfaqësuesit e katër partive politike të djathta dhe të qendrës së djathtë, Partia Demokristiane, Lëvizja për Zhvillim Kombëtar, Partia Ligj dhe Drejtësi dhe Partia e Bashkimit Demokrat u mblodhën sot në selinë e PDK-së dhe analizuan situatën e rëndë politike të krijuar në vend pas zgjedhjeve sipas tyre të deformuara të 28 qershorit.

Përfaqësuesit e katër partive politike vlerësuan se në zgjedhjet e 28 qershorit u goditën rëndë standardet demokratike dhe pluralizmi politik, liritë politike të qytetarëve dhe perspektiva Evropiane e Shqipërisë.

Katër partitë politike e konsideruan këtë një situatë shumë të rendë dhe vlerësuan se zbardhja e manipulimeve dhe deformimeve të zgjedhjeve të 28 qershorit është vendimtare për të ardhmen e demokracisë në vend.

Ata kërkuan hapjen e kutive dhe rinumrimin e votave në qarqet e kontestuara, si një e drejtë legjitime e qytetarëve shqiptarë dhe si një kusht për të mbyllur kapitullin e errët të manipulimit të zgjedhjeve në Shqipëri.

Ata vlerësuan si të drejtë kërkesën e opozitës për rinumrimin e votave dhe protestat e saj për transparencën e procesit zgjedhor te 28 qershorit.

Gjithashtu mbështetën bojkotimin e Parlamentit nga deputetët e opozitës deri në plotësimin e kërkesave të drejta për hapjen e kutive dhe rinumrimin e votave ne qarqet e kontestuara.

Përfaqësuesit e katër partive politike hodhën idenë e rigrupimit të partive opozitare të qendrës së djathtë në një organizëm të përbashkët politik.

Ata vlerësuan domosdoshmërinë e vazhdimit të reformave jetike për vendin dhe në veçanti theksuan domosdoshmërinë e rishikimit dhe reformimit të Kodit Zgjedhor.

k.k/NOA

Â

KOMENTE