Tiranë, 13 tetor NOA-Komisioni Qendror i Zgjedhjeve miratoi të martën në mesditë vendimin "për përdorimin e kamerave regjistruese dhe të monitorëve për shfaqjen e fletëve të votimit në vendet e numërimit të votave, në zgjedhjet e pjesshme vendore të 15 qershorit".
"Do të jenë dhjetë kamera dhe dhjetë monitorë, që do të përdoren për shfaqjen e fletëve të votimit në Vendin e Numërimit të Votave" theksuan ekspertë të zyrës juridike të KQZ-së.
Gjithashtu, sot komisioni zgjedhor miratoi dhe modelin e vulës së KZAZ-së, modelin e vulës së kryetarit të Komisionit të Qendrës së Votimit dhe modelin e vulës së Komisionit të Qendrës së Votimit.
Ndërkohë, KQZ shtyu për pasdite çështjen e diskutimit të regjistrimit të subjekteve politike, që do të marrin pjesë në këtë proces zgjedhor.
Zgjedhjet e pjesshme të 15 nëntorit do të mbahen në pesë njësi vendore të vendit, pas mbetjes vakante të postit të kryetarit të këtyre njësive, të cilët kanë fituar mandatin e deputetit në zgjedhjet e 28 qershorit.
m.i/NOA
