 Tiranë, 15 tetor NOA-Deputeti i PS dhe nënkryetar i bashkisë së Tiranës, Eduart Shalsi, ka deklaruar se krerët e pushtetit vendor, përfaqësues të opozitës, kanë njoftuar Kongresin e Autoriteteve  Lokale Evropiane për cenimin që po i bën qeveria autonomisë së tyre lokale.
"Kryeministri më antiqytet që ka pasur Shqipëria, u ka marrë frymën buxheteve të bashkive me ligje antikushtetuese.
Të zgjedhurit vendorë të opozitës kanë informuar Kongresin e Autoriteteve Lokale dhe Rajonale të Këshillit të Europës në lidhje më gjendjen e rëndë të demokracisë vendore në Shqipëri, si dhe kanë paralajmëruar se do të fillojnë protesta deri në bojkotimin e plotë të kësaj qeverie jo legjitime dhe të këtij kryeministri i cili qëndron mbi kutitë e mbyllura të krimit elektoral, vetëm e vetëm për të justifikuar apo përligjur plaçkitjen e vendit në interes të pushtetit të familjes së tij", është shprehur Shalsi.
m.i/NOA
