Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Berisha takohet në Vjenë me politikanë të lartë evropianë, kërkon suport për vizat
English

Berisha takohet në Vjenë me politikanë të lartë evropianë, kërkon suport për vizat

Vjenë, 17 Tetor NOA - Kryeministri Sali Berisha gjatë vizitës njëditore në Austri, ku referoi në konferencën "Bota në vitin 2025", zhvilloi një sërë takimesh me personalitete evropiane, si dhe ishte i ftuar nderi në darkën zyrtare, ku morën pjesë personalitetet më të shquara pjesëmarrës në këtë konferencë.

Kështu Berisha zhvilloi një takim të përzemërt me Joseph Daul, kryetari i grupit të Partive Popullore Evropiane në Parlamentin Evropian, i cili e përgëzoi për arritjet e qeverisë shqiptare në implementimin e reformave themelore për integrimin e vendit dhe vendosmërinë në luftën kundër korrupsionit dhe krimit në vend.

Kryeministri e njohu z.Daul me reformat e ndërmarra nga qeveria shqiptare drejt përmbushjes së standardeve dhe kritereve te nevojshme për integrimin e vendit në BE, si dhe me vlerësimet e rëndësishme Komisionit Evropian në Progres-Raportin për Shqipërinë gjatë vitit 2009, i cili në vizionin e Berishës, do të shërbejë si një road-map për qeverinë shqiptare në procesin e integrimit evropian.

Gjithashtu Kryeministri shfrytëzoi këtë rast për të kërkuar mbështetjen e grupit të Partive Popullore Evropiane për procesin e liberalizimit të vizave për shqiptarët, si dhe për nxitjen dhe suportin në procesin e integrimit të Shqipërisë në Bashkimin Evropian.

Kryeministri në mbyllje të vizitës së tij në Austri, ishte i ftuar në tavolinën e nderit të darkës zyrtare, ku ndodhej i ulur pranë me Presidentin e Parlamentit Evropian Jerzy Buzek, me të cilin pati rastin për të diskutuar gjerësisht dhe për ta njohur me zhvillimet e rëndësishme në Shqipëri, me realizimin dhe arritjet e reformave në fushën ekonomike, politike dhe sociale në vend, me përpjekjet e qeverisë shqiptare për të plotësuar me prioritet të gjitha standardet dhe kërkesat për liberalizimin e vizave për shqiptarët dhe për marrjen e statusit të vendit kandidat në BE nga Shqipëria.

Zoti Buzek shprehu vlerësimet e tij të larta për arritjet dhe sukseset që kishte bërë të mundur qeveria shqiptare në këto vitet e fundit, në implementimin e reformave themelore për integrimin dhe zhvillimin e vendit.

Ai i shprehu urimet e tij më të sinqerta Kryeministrit Berisha për rizgjedhjen e tij në këtë post, si dhe pranoi me kënaqësi ftesën që Berisha i drejtoi për të vizituar Shqipërinë.

z.r/f.sh/NOA

KOMENTE