Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Makina del nga rruga dhe përplaset me një shtyllë, vdes drejtuesi
English

Makina del nga rruga dhe përplaset me një shtyllë, vdes drejtuesi

Shijak, 17 tetor, NOA - Një aksident i rëndë rrugor me pasojë vdekjen ka ndodhur sot në aksin rrugor "4 Rrugët -Shijak", në afërsi të komunës Xhazotaj.

Sipas të dhënave paraprake nga policia e Durrësit, viktima e këtij aksidenti quhet Denis Gjata dhe është 23-vjeç nga qyteti i Shijakut.

Bëhet e ditur se aksidenti është shkaktuar ndërsa drejtuesi duke drejtuar automjetin tip Seat veturë me targë BR 235 LY në aksin rrugor të lartpërmendur, ka humbur kontrollin e tij dhe për pasojë ka dalë jashtë rruge duke goditur një shtyllë elektrike.

Nga ky aksident ka gjetur vdekjen vetë drejtuesi i automjetit, Denis Gjata.

Policia bën me dijeni se njoftimi gjithsesi është paraprak dhe po kryhen veprimet hetimore dhe procedurale mëtejshme për të zbardhur ngjarjen.

n.e/NOA

KOMENTE