Shkup, 19 tetor NOA-Kryetari i partitës opozitare të LSDM, Branko Cërvenkovski ka deklaruar sot në Shkup se në marrëveshjen e kufijve me Kosovën ka shkelje të Kushtetutës pasi nuk bëhet fjalë për caktim të kufijve por për shkëmbime të territoreve, gjë që përbën shkelje të Kushtetutës.
Sipas tij, nga përllogaritjet e kryera thuhet se Maqedonia ka hequr dorë nga 130 hektar tokë, përkundër 140 hektarëve që ka fituar, fakt ky që është jashtë kornizave të marrëveshjeve të mëparshme.
"Marrëveshja e firmosur nuk është marrëveshje për përcaktimin e kufirit por marrëveshje për këmbim të territoreve dhe ndërrim të kufijve ekzistues.
Ky është një dallim i madh. Për ndërrimin e kufijve, gjë që edhe ndodhi, Kushtetuta parashikon qartë një procedurë krejt ndryshe dhe miratim me dy të tretën e shumicës në parlament dhe shprehjes së vullnetit të qytetarëve nëpërmjet referendumit", tha Branko Cërvenkovski.
m.i/NOA
Â
