Tiranë, 21 tetor NOA - Ndërron jetë në spital, 68-vjeçarja e cila ra nga ballkoni teksa po merrte disa rroba.
Sadete Toska ra tre ditë më parë nga ballkoni i banesës së saj në katin e dytë të një pallati që ndodhet në Unazën e Re në Tiranë teksa po përpiqej të mblidhte disa rroba që kishte nder në pjesën e jashtë të ballkonit.
Ajo u transportua me urgjencë në spital në gjendje të rëndë, por megjithë ndërhyrjen e mjekëve gruaja ka ndërruar jetë ditën e djeshme.
Policia e cila ishte njoftuar qysh në fillim për ngjarjen nisi hetimet për të zbardhur rrethanat.
Burime nga policia thanë për agjencinë e lajmeve NOA se nga deklarimi që iu mor bashkëshortit të saj, Xhaferr Toska, 68-vjeçarja është rrëzuar nga ballkoni i banesës së saj, në katin e dytë, në momentin që ka qenë, duke marrë disa rroba në ballkon.
k.k/NOA
