Kosovë, 25 tetor NOA - Tragjedia në lumin Tisa ku u mbytën 15 persona tashmë ka të paktën pesë persona të dyshuar si përgjegjës të saj.
Kështu policia e Kosovës ka identifikuar më shumë se pesë persona të dyshuar për organizimin e grupit të kosovarë, për të cilët dyshohet se janë mbytur në lumin Tisa.
Kanë qenë familjarët e viktimave që u mbyten tre ditë më parë në lumin Tisa në tentativë për të kaluar kufirin, se policia ka identifikuar dhe përgjegjësit e këtij udhëtimi që përfundoi tragjikisht.
Dyshohet se të identifikuar mund të kenë lidhje me trafikantë të dyshuar në Serbi të cilët organizojnë kalimin e klandestinëve.
Ndërkohë që për të zbardhur ideatorët e udhëtimit tragjik, është përfshirë edhe EULEX-i pasi dyshohet se mund të bëhet fjalë për trafik të qenieve njerëzore.
Ndërsa autoritetet policore hungareze vazhdojnë kërkimet për gjetjen e trupave ku ka konfirmua sot  se është gjetur edhe kufoma e tretë në lumin Tisa.
k.k/NOA
