Australi, 30 Tetor NOA - Kot nuk thonë se macja ka ca shpirtra më shumë, madje shtatë.
Një e tillë ndoshta, ka qenë ajo që i ka mbijetuar fare lehtë edhe plot 13 plumbave që u derdhën në kokën e saj, nga një person që e qëlloi me pushkë.
Ngjarja e rrallë ka ndodhur në Maryborough në rajonin e Viktorias në Australi. Një person i panjohur, ka qëlluar me 13 plumba në kokë me një pushkë me ajër të presuar, por me sa duket Smokey, macja"heroike" australiane, kishte shtatë jetë.
Edhe pse në atë gjendje, maçoku i mbijetuar ka arritur të kthehet në shtëpi. I gjakosur, me kafkë të dëmtuar nga plumbat, ai është kthyer tek pronarët e tij në Maryborough në Viktoria, tre ditë pas zhdukjes.
Në gjendje mjaft të rëndë, kafsha shtëpiake është operuar, për nxjerrjen e plumbave. sakaq nuk kanë munguar reagimet. Një akt të tillë, të shtënat kundër maces, autoritetet zyrtare e kanë përshkruar "egërsi shokuese".
Sipas Hugh Wirth, i njohur si mbrojtësi i kafshëve në vend këto janë xheste të të rinjve nga 18 deri 20 vjeç, "një model që përsëritet herë pas here në të gjithë Australinë".
Këtu, sugjerimi i Wirth, ka qenë i thjeshtë dhe i qartë: "Ka vetëm një mënyrë për të zgjidhur, - ka thënë ai, - burgu".
a.k/f.sh/NOA
