Pavia, 1 nëntor NOA - "Ishte vullneti i zotit", kështu është shprehur para hetuesve autori i masakrës në Pavia të Italisë.
Emigranti shqiptar i cili vrau me thikë tre anëtarët e familjes është marrë në pyetje dje pas arrestimit ku ka deklaruar vetëm një fjali të vetme "ishte vullneti i zotit".
Por për policinë nuk ka qenë e vështirë zbardhja e motiveve të kësaj tragjedia pasi ka marrë në pyetje persona të tjerë të afërm të viktimave dhe autorit.
Alfred Melyshi ka vrarë bashkëshorten e vëllait, vajzën e tyre të vogël 3 -vjeçare si dhe tezen e kësaj të fundit.
Bashkëshorten e vëllait, Rina Melyshin 24-vjeç, mbesën 3-vjeçare dhe motrën e kunatës, 19- vjecaren Ornela Ndoji masakroi me thikë Melyshi pas një sherri me të vëllanë.
Policia ka deklaruar se brenda familjes ishin krijuar mosmarrëveshje.
Mësohet se Alfred Melyshi akuzohet nga vëllai i tij Antoni si shkaktar i një konflikti të krijuar me një familje tjetër shqiptare dhe për këtë arsye i kishte kërkuar atij largimin nga shtëpia ku jetonin prej vitesh bashkë. Akuzat e të vëllait, duket se kanë çuar 24-vjeçarin Alfred Melyshi drejt skenimit të një tragjedie të cilin e kreu ditën e djeshme.
k.k/NOA
