Tiranë, 5 Nëntor NOA-Mjekja pediatre Gjeorgjina Kuli ka lënë sot drejtimin e Qendrës më të madhe spitalore të vendit, për tu zëvendësuar nga një ekonomist, ish kreu i LSI për Tiranën, z.Ilir Dashi.
Gjatë prezantimit të Dashit, ministri i Shëndetësisë, Petrit Vasili, ka deklaruar se QSUT është në një moment të ri për të provuar shanset e reja të menaxhimit dhe z.Dashi është modeli më i mirë që i ofrohet asaj për ta drejtuar.
Ministri i Shëndetësisë u ndal edhe në rëndësinë e sistemit të ri të referimit, duke e cilësuar atë si zgjidhjen optimale që do të ndihmonte në lehtësimin e ngarkesës në Qendrën Spitalore Universitare "Nënë Tereza" duke ndikuar drejtpërdrejtë edhe në rritjen e shërbimit.
Drejtori i ri i QSUT-së, Ilir Dashi, në prezantimin e tij të parë ka theksuar se prioritet i punës së tij do të jenë zhvillimi dhe progresi i vazhdueshëm në Qendrën Spitalore Universitare më të madhe në vend.
m.i/NOA
