Elbasan, 11 nëntor, NOA - Një kamerier, pasi ka mbaruar turnin e mbrëmjes në lokalin ku punon, ka ikur drejt shtëpisë ku gjatë rrugës dy persona e kanë sulmuar duke i marrë të gjitha paratë që kishte me vete.
Kjo ngjarje është denoncuar prej tij pranë komisariatit të policisë së Elbasanit, ku ka treguar qartësisht të gjitha detajet e aktit të grabitjes prej të panjohurve në rrugë.
Burimet policore bëjnë me dijeni për agjencinë e Lajmeve NOA se kamarieri në fjalë, mban inicialet Xh.T, është vetëm 16 vjeç dhe banues në qytetin e Elbasanit.
Ai ka pohuar se punon si kamarier në lokalin Pegas në këtë qytet dhe grabitja e parave të xhiros me dhunë, i është bërë pikërisht para godinës së doganës.
Konkretisht, bëhet fjalë për një shumë prej 47.000 lekësh të cilat ai i kishte me vete në momentin e grabitjes.
Forcat e policisë nga ana e tyre kanë mundësuar identifikimin e autorvë të ngjarjes të cilët janë 21-vjeçari Alban Lloshi dhe 23-vjeçari Elis Salliu, që të dy banues në qytetin e Elbasanit.
Që të dy këta janë shpallur në kërkim policor dhe po punohet për kapjen e tyre, ndërsa materialet iu kaluan prokurorisë për veprime të mëtejshme mbi veprat penale ‘Vjedhje me dhunë e kryer në bashkëpunim", e cilat parashikohet nga nenet 139 e 25 të Kodit Penal.
n.e/NOA
Â
Â
Â
