Hanover, 11 nëntor, NOA - Një lajm i befasishëm mbi vdekjen e papritur dhe ende të pashpjegueshme mirë të portierit të Kombëtares Gjermane, Robert Enke, ka tronditur dhe futur në dyshime të gjithë sportdashësit gjermanë.
Lajmi i konfirmuar nga kryetari i klubit të Hanover 96, Martin Kind, i cili konfirmoi se ai ka mbetur i vdekur nga një aksident hekurudhor në orët e vona të mbrëmjes së djeshme.
Deri tani nuk ka të dhëna konkrete për shkaqet e vdekjes së njërit prej portierëve më të mirë në Gjermani.
Por agjencitë e lajmeve citojnë disa burime policore sipas së cilave ekziston mundësia që Robert Enke të ketë bërë vetëvrasje.
Dyshimet e policisë kanë qenë për një vetvrasje nga depresioni të portierit 32 vjeçar të kombëtares gjermane, që militon prej shumë vitesh në një skuadër me kapitenin e kombëtares shqiptare Altin Lala.
Â
Robert Enke ka pasur para ca kohësh një infektim bakterial dhe për këtë shkak u detyrua të largohet nga futbolli për disa javë.
Për shkak të këtij infektimi nuk ka luajtur as në katër ndeshjet e fundit të kombëtares gjermane, por ai ishte një prej kandidatëve kryesorë për kampionatin e ardhshëm botëror, i cili vitin e ardhshëm mbahet në Afrikën e Jugut.
n.e/NOA
Â
Â
Â
Â
