Prishtinë, 12 Nëntor NOA-Presidenti i Kosovës, Fatmir Sejdiu, ka ftuar serbët e Kosovës që të marrin pjesë në zgjedhjet lokale të 15 nëntorit.
Duke folur në qendrën për media në Çagllavicë, presidenti Sejdiu tha se Beogradi zyrtar ende ka "qasje irracionale" ndaj serbëve të Kosovës. Presidenti eklaroi se zgjedhjet lokale të 15 nëntorit janë një shans i mirë i të gjithë qytetarëve të Kosovës. Presidenti ka përshëndetur thirrjen e mbi 100 intelektualëve serbë, të cilët kanë kërkuar nga serbët e Kosovës që të marrin pjesë në zgjedhjet e 15 nëntorit dhe në të njëjtën kohë e ka quajtur joracionale qasjen e autoriteteve serbe që vazhdojnë t'i dekurajojnë serbët e Kosovës për pjesëmarrje në zgjedhje.
m.i/NOA
