Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Mitingu i Vendorëve, policia: Incidenti për faj të mosorganizimit të PS
English

Mitingu i Vendorëve, policia: Incidenti për faj të mosorganizimit të PS

Tiranë, 15 Nëntor NOA-Policia e Tiranës ka sqaruar sot se nuk është ajo fajtore në lidhje me incidentin e ndodhur pak minuta para nisjes së mitingut të sotëm të krerëve socialistë të pushtetit lokal para selisë së kryeministrisë.

Në një deklaratë për mediat, zëdhënësja e policisë së Tiranës, Alma Katragjini, ka deklaruar se ky incident ndodhi për faj të mosorganizimit të mirë nga ana e PS.

Sipas policisë, me depozitimin e kërkesës së PS për mitingun e së djelës në orën 12, nga ana e strukturave të saj janë marrë masat për zhvillimin sa më normal të protestës.

Por pak minuta para nisjes së mitingut, nga ana e organizatorëve të mitingut ka pasur ndryshim të planit për vendosjen e podiumeve të cilët kanë ndërruar drejtimin e tyre.

"Jemi te bindur se nuk është përgjegjësi e Policisë së Shtetit dhe as detyrim ligjor i saj, përcaktimi i vendit të vendosjes së podiumeve apo foltoreve në tubime apo aktivitete të forcave politike.

Po kështu mendojmë se, prezenca e policisë në tubimet e forcave politike nuk ka shqetësuar dhe as nuk do të shqetësojnë pjesëmarrësit dhe organizatorët në këto aktivitete", thuhet në deklaratën e policisë.

Sipas saj, kërkesat për ndryshimin e vendit të vendosjes së podiumit, vetëm 5 minuta para fillimit të mitingut është e qartë se nuk i shërben zhvillimit normal të tij.

m.i/NOA

KOMENTE