Tiranë, 20 nëntor NOA - Një mjeke e Spitalit Nr.5 në Tiranë i ka kërkuar ndihmë policisë pasi një pacient ishte irrituar për të mos marrë mjekimet.
Ngjarja ndodhi dje kur policia e Tiranës është njoftuar me anë të një telefonate nga mjekja e Spitalit Nr.5, të ofrojë ndihmën për të bindur një pacient të sëmurë mendorë të marrë mjekimin.
Burime nga policia thanë i sëmuri mendor ishte irrituar dhe nuk i bindej mjekes ndërsa ulërinte në korridoret e spitalit.
Sipas policisë gjendja u qetësua pak minuta më pas ndërsa forcat e policisë mbërritën pranë spitalit.
Policia bëri të ditur se ky nuk është rasti i parë kur mjekët e këtij spitali kërkojnë ndihmën e policisë pasi të sëmurët mendorë bëhen agresivë dhe rrezikojnë prishjen e qetësisë në spital si dhe nuk pranojnë mjekimin.
k.k/NOA
