Sumatra, 22 Nëntor NOA - Në bregdetin e ishullit indonezian Sumatra një traget me më shumë se 200 njerëz në bord është mbytur.
Anija është gjendur në rrethana moti shumë të keq, bën të ditur policia, pa dhënë hollësi për viktimat e mundshme.
Nga raportimet e para bëhet e ditur se të paktën katër persona kanë gjetur vdekjen, citon radio DW por ende nuk ka informacione zyrtare dhe të sakta për numrin e përgjithshëm të viktimave.
Për shkak të mungesës së masave të sigurisë dhe mbingarkesës së trageteve në shtetin ishull të Indonezisë ndodhin shpesh fatkeqësi të tilla.Â
