Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Patozi: Denoncojmë ultimatumin e Ramës, po kërkon përmbysjen e demokracisë
English

Patozi: Denoncojmë ultimatumin e Ramës, po kërkon përmbysjen e demokracisë

Tiranë, 23 nëntor NOA - Grupi Parlamentar i Partisë Demokratike ka reaguar sot në lidhje me ultimatumin i kryetarit të Partisë Socialiste, Edi Rama duke e quajtur atë si një akt sa qesharak aq edhe domethënës.

"Rama  i dha dje një ultimatum 10-ditor qeverisë dhe mazhorancës së dalë nga zgjedhjet me certifikim planetar të 28 qershorit, të cilat përmbushën standardet kryesore të OSBE-ODIHRI-it dhe për të cilat nuk pati asnjë provë për manipulim rezultati apo numërim të parregullt.

Sipas zotit Rama, në rast se maxhoranca nuk pranon diktatin dhe kërcënimin e tij për rinumërim të votave, qeveria do të përmbyset me dhunën e rrugës.

Grupi Parlamentar i Partisë Demokratike e denoncon ultimatumin e zotit Rama, me të cilin ai po kërkon të përmbysë themelet e sistemit demokratik, duke e konsideruar atë një akt sa qesharak, aq edhe domethënës" deklaroi sot Astrit Patozi.

Sipas tij, për deputetët e Partisë Demokratike, motivet e këtij kërcënimi janë fare të qarta. "Për të arritur deri këtu, zoti Rama është frymëzuar nga familja e tij historike dhe ideologjike, ati i tij shpirtëror, Enver Hoxha, daja dhe babai i vet biologjik, Spiro Koleka dhe Kristaq Rama.

Por ky ultimatum inspirohet gjithashtu edhe nga familja e tij mafioze e Don Gramozit, Kokëdhimës dhe të tjerë si ata.

Kjo thirrje për të përmbysur me forcë rendin kushtetues dëshmon se ky pinjolli i diktaturës komuniste dhe njëkohësisht bos i familjes më të rrezikshme mafioze të vendit po kërkon dhunojë vullnetin e shqiptarëve e shprehur me zgjedhje të lira më 28 qershor" tha më tej Patozi.

"Grupi parlamentar i PD e fton zotin Rama që këtë ultimatum t'ia nisë Enverit, Spiros apo Kiços, si familja e tij historike dhe biologjike.

Po ashtu një kopje të tij t'ua dërgojë Don Gramozit, Kokëdhimave apo Dulakëve, dhe të tjerëve që bëjnë pjesë në familjen e tij numerike mafioze.

Ne i themi kryetarit të Partisë Socialiste se me dhunë dhe me ultimatume ke vetëm një rrugë: të firmosësh fundin e turpshëm dhe të pashmangshëm politik, për vete dhe për frymëzuesit e tu" përfundoi Patozi.

k.k/NOA

KOMENTE