Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ministria e Kulturës Shqiptare pranohet si anëtare e IFACCA
English

Ministria e Kulturës Shqiptare pranohet si anëtare e IFACCA

Nga Milena Selimi milenaselimi@noa.al

Tiranë, 24 Nëntor NOA - IFACCA (International Federation of Arts Councils and Culture Agencies) pranoi si anëtare te sajën, Ministrinë e Turizmit, Kulturës, Rinisë dhe Sporteve të Shqipërisë.

Ky lajm erdhi fill pas pjesëmarrjes si delegatë, në Samitin e Katërt Botëror të Arteve dhe Kulturës, të mbajtur në Afrikën e Jugut, më 21 Shtator 2009 të përfaqësuesve të MTKRS, shefit te Kabinetit te këtij institucioni dhe kompozitori Z. Flamur Shehu dhe Drejtores së Rinisë, Znj. Migena Reçi.

IFACCA është një network global i këshillave të artit dhe ministrive të kulturës nga e gjithë bota.

Ajo është krijuar në vitin 2000 dhe objektiva e këtij institucioni global me shumë peshë në kulturën e shekullit të 21, është forcimi i kapacitetit të artit dhe agjencive kulturore kombëtare për t'u ndeshur me sfidat dhe shanset e globalizimit dhe ndryshimeve teknologjike nëpërmjet përmirësimit të aksesit të njohjes rreth praktikave më të mira në mbështetjen publike për artin dhe kulturën, përmirësimin e menaxhimit dhe shkëmbimin e përvojave dhe ideve në këtë fushë.

Nxitja e projekteve bashkëpunuese në rang global, vetëdija e promovimit është një pjesë e rolit të kësaj federate, duke inkurajuar në të njëjtën kohe mbështetje për praktikat artistike dhe diversitetin kulturor; promovimin e talenteve, krijuesve dhe vlerës së krijimtarisë në komunitet. Stimulimi i dialogut dhe debatit në çështjet multilaterale, është një tjetër aspekt i aktivitetit.

IFACCA është një organizatë që ofron mbështetje publike për artet në rang ndërkombëtar dhe kombëtar. Deri tani, kjo organizatë ka siguruar bashkëpunimin e donatorëve të fuqishëm në art dhe kulturë, të tillë si National Endowment For Arts, British Council, Commonwealth Foundation, Rockfeller Foundation, Asia- Europe Foundation, etj.

Gjatë pjesëmarrjes së tyre në Samit, Flamur Shehu dhe Migena Reçi, te cilët përfaqësuan Shqipërinë, vunë kontakte të rëndësishme bashkëpunimi, të cilat do t'u shërbejnë artit dhe kulturës shqiptare në vazhdim.

m.s/e.r/NOA

KOMENTE