Vlorë, 25 nëntor NOA - Një punonjës policie në Vlorë, u arrestua mbrëmjen e sotme, pasi akuzohet për përfshirje në afera korruptive, informon korrespondenti i agjencisë NOA.
Vendim Ferraj, me detyrë punonjës në patrullat e përgjithshme të Drejtorisë së Policisë Vlorë, është arrestuar nga Shërbimi i Kontrollit të Brendshëm, nën dyshimet për shpërdorim detyre dhe korrupsion aktiv.
Nga verifikimi i dyshimeve mbi policin Vendim Ferraj, ka dalë se ai ka ndërmjetësuar në favor të një qytetari për të zgjidhur një problem me një institucion tjetër shtetëror.
E gjithë historia është bërë që polici hajdut që mbrohet me uniformën blu, të fitonte 500 mijë lekë.
Pikërisht kur qytetari, sonte ka dorëzuar shumën e parave prej 500 mijë lekësh tek polici hajdut, ky i fundit është kapur me presh në duar dhe i janë vënë prangat.
v.d/e.r/NOA
Lexoni një tjetër arrestim të ngjashëm sot:
Plaçkiste makinat e bllokuara nga rrugorët, arrestohet polici në Shkodër
