Tiranë, 30 nëntor NOA - Deputetja e Partisë Socialiste, Mimi Kodheli ka reaguar sot për deklaratë e kryeministrit, Sali Berisha dhënë sot në Lezhë, duke theksuar se i ka mbetur vetëm një zgjidhje, të hapë kutitë.
"Njeriu që ditën e Bajramit përdori gjuhën e urrejtjes, njeriu që me fjalorin e tij turpëroi gra, fëmijë e të moshuar, njeriu që prej ditësh po krijon shpifjet më monstruoze që mund ti mendojë vetëm një njeri i sëmurë, po përpiqet të heq vëmendjen e shqiptarëve nga kutitë e votimit' tha Kodheli.
Sipas saj, Berisha duhet ta harrojë se mund të fshehë të vërtetën e 28 qershorit.
"Një popull i tërë kërkon hapjen e kutive, një e treta e të cilave, sipas OSBE-së është numëruar keq ose shumë keq.
Sali Berishës i ka mbetur vetëm 1 zgjidhje, të hapë kutitë. Pa hapur kutitë nuk ka zgjidhje tjetër, vetëm zgjedhje" përfundoi Kodheli.
k.k/NOA
Â
