Itali 3 dhjetor NOA - Pas një fillim sezoni mjaft zhgënjyes për kuqezinjtë e Milanit në drejtim të teknikut brazilian Leonardo, tashmë kanë ardhur dhe frytet e një pune mjaft të mirë nga trajneri.
Mesa duket nga rezultatet e marra nga ndeshjet e fundit, që do të thotë në 14 ndeshje, 28 pikë, ai ka arritur të kalojë madje dhe Ançelotin i cili kishte arritur një sasi pikësh më të ulët sesa tekniku brazilian vitin e kaluar.
Sipas statistikave kjo ecuri e Milanit është më e mira gjatë katër sezoneve të fundit.
Tashmë Milani ndodhet në vendin e dytë në kampionatin italian të Seria A duke lënë pas Juventusin, me një pikë diferencë.
Leonardo është në pritje të ndeshjes të së shtunës ku Milan do të presë në "San Siro" Sampdorian dhe tekniku kërkon të marrë tre pikët dhe të shohë i qetë supersfidën, Juventus-Inter.
r.b/NOA
