Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Rrëzohet futja e Bosnjë-Hercegovinës në NATO, Meta: Unë isha pro
English

Rrëzohet futja e Bosnjë-Hercegovinës në NATO, Meta: Unë isha pro

Bruksel, 4 Dhjetor NOA - Zëvendëskryeministri dhe Ministri i Punëve të Jashtme, Ilir Meta, mori pjesë në Takimin e Ministrave të Jashtëm të NATO-s ku u rrëzua pa afat, aspirata e Bosnjë-Hercegovinës për anëtarësim ndërsa u pranua Mali i Zi.

***

Në kuadër të takimit të Ministrave të Jashtëm të NATO-s që u zhvillua në Bruksel, Meta mori pjesë në takimin e Komisionit NATO-Ukrainë, në takimin e Komisionit NATO-Gjeorgji, si dhe në mbledhjen informale të Këshillit kushtuar Bosnje-Hercegovinës dhe Malit të Zi.

Ministrat e Jashtëm të NATO-s, vendosën të ftojnë Malin e Zi t'i bashkohet Planit të Veprimit për Anëtarësim (MAP).

Kurse inkurajuan Bosnje-Hercegovinën të thellojë reformat me shpresën e anëtarësimit në MAP sapo të jenë përmbushur kriteret e duhura.

Gjithashtu, Ministrat e Punëve të Jashtme të vendeve kontribuuese të trupave ISAF diskutuan mbi çështje kyçe dhe mbi prioritetet e strategjisë për Afganistanin, në veçanti për mbrojtjen e qytetarëve afganë, ndërtimin e kapaciteteve të sigurisë afgane dhe për lehtësimin e qeverisjes dhe zhvillimit në vend.

Ministrat e Jashtëm adoptuan një deklaratë të përbashkët ku shprehet vullneti për të punuar së bashku për të gjitha çështjet që kanë të bëjnë me misionin si dhe mbështetja e plotë për parimet e ISAF për proçeset e ri-integrimit dhe të pajtimit në Afganistan.

Z. Meta duke folur për mediat pas Takimit të Ministrave të Jashtëm të NATO-s tha se

Shqipëria ka mbështetur politikën e dyerve të hapura për zgjerimin e mëtejshëm të NATO-s.

Ai pranoi se kishte mbështetur hyrjen e Malit të Zi në Plan Veprimin për Anëtarësim (MAP), vendimi pozitiv për të cilin u mor sot me sukses të plotë.

Kurse vuri në dukje se "kemi shprehur mbështetjen tonë edhe për Bosnje-Hercegovinën, ku nuk pati konsensus të plotë gjatë këtij takimi".

Por Meta theksoi Bosnje-Hercegovina u inkurajua që të vazhdojë me reformat e saj të brendshme, me shpresën që në prill, në Takimin e ardhshëm te ministrave të Jashtëm të NATO-s të merret një vendim pozitiv.

e.r/NOA

KOMENTE