Kukës, 12 Dhjetor NOA - Dy persona gjetën vdekjen si pasojë e një aksidenti rrugor që ndodhi sot në Kukës kurse një i tretë ka përfunduar me plagë serioze në spitalin vendor. Korrespondenti i agjencisë NOA informon se aksidenti ndodhi në aksin rrugor që lidh Kukësin me Shishtavecin dhe dyshimet e para të çojnë në një aksident të ardhur nga kushtet e këqija atmosferike dhe ato në rrugë. Mësohet se automjeti ka rrëshkikur nga akulli i krijuar në rrugë si pasojë e ngricës dhe shoferi duke humbur drejtimin e mjetit ka dalë nga rruga duke përfunduar në humnerë.
Kalimtarë në vendngjarje dhe policia që mbërriti më vonë, konstatuan se në makinë kishin gjetur vdekjen dy persona ndërkohë që një i tretë ishe plagosur.
Ende nuk janë dhënë emrat e personave të përfshirë në aksident, ndërkohë që policia ndodhet në vendngjarje për të nxjerrë trupat dhe makinën nga humnera.
a.b/e.r/NOA
