Pogradec, 12 Dhjetor NOA - Policia ka mundur të arrestojë ditën e sotme shtetasit O. Xhukellari dhe F. Hoxha, ky i fundit i arrestuar dhe më parë me akuzën e vjedhjes. Të rinjtë ishin bashkëpunëtorë të një konflikti që ndodhi dhe akuzohen me motivin plagosje e rëndë me dashje. Të dy djemtë kanë pasur një konflikt me shtetasin tjetër F. Bazelli, për motive banale dhe në grindje e sipër ky i fundit është goditur me armë të ftohtë nga dy djemtë.
Policia tha se në bazë të akuzave dhe provave materiale në vendin e ngjarjes i ka arrestuar djemtë.
Ndërsa për të plagosurin Bazelli, ai gjendet në spitalin e Pogradecit nën kujdesin e mjekëve, të cilët thanë se pacienti i dëmtuar, është jashtë rrezikut për jetën.
r.b/NOA
Â
