Treviso, 16 Dhjetor NOA - Policia e Trevisos ka arrestuar ditën e djeshme një shqiptar 28 vjeçar me emrin Drini Karaj.
Policët ishin në patrullën e tyre të zakonshme dhe rastësisht kanë parë dy automjete të tipit "Renault" dhe "Golf".
Në të parin qëndronte shqiptari i cili kishte ndaluar dhe po për piqej të fliste me pasagjerët e makinës tjetër ku ndodheshin dy prostituta.
Në këtë moment policia i kërkoi shqiptarit të nxirrte dokumente dhe kur ai hapi kroskotin e makinës së tij ata dalluan një pistoletë e cila ishte e tipit berret e kalibrit 22 dhe rezultoi e vjedhur 7 nëntorin e shkuar.
Menjëherë pati një ndërhyrje të policisë gjë që u kundërshtua me dhunë nga shqiptari Drini Karaj i cili kërkoi dhe të ikte nga to. Por karabinierët arritën të vendosnin prangat tek shqiptari dhe pas një kontrolli që ju bë u gjetën dhe një sasi parash prej 2000 eurosh të cilat ai i kishte futur në kollaren e tij. Drini tha se paratë i kishte fituar nga puna e tij por mesa duket ai kishte nën zotërim prostitutat e makinës tjetër gjë që shpjegon dhe sasinë e parave që ai kishte fshehur. Për sa i përket vajzave që ndodheshin prapa shqiptarit ato ishin një shqiptare 22 vjeçare dhe një rumune 24 vjeçare për të cilat u mor masa e largimit të menjëhershëm nga shteti Italian.
r.b/NOA
Â
