Durrës, 18 dhjetor NOA - Dy të mitur janë kapur nga policia e Durrësit pasi qëlluan me armë zjarri.
Ngjarja ndodhi dje në lagjen "Lugina" në Shijak kur O.Sh. dhe E.B, të moshës 15-vjeçare dyshohet se kanë qëlluar me armë zjarri automatik ne ajër.
Policia e sinjalizuar për ngjarje nisi menjëherë hetimet për të identifikuar dhe kapur autorët.
Pas hetimeve të para rezultoi se dy autorët e dyshuar të kësaj ngjarjeje ishin të mitur.
Ata u shoqëruan në ambientet e policisë dhe pasi u morën në pyetje u lanë të lirë për shkak të moshës së mitur.
Ndërsa materialet në ngarkim të tyre i kaluan prokurorisë për hetime të mëtejshme për veprën penale "të mbajtjes pa leje të armëve e municioneve luftarake" dhe "prishjes së qetësisë publike".
k.k/NOA
