Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Mëhilli: Pavarësisht trillimeve të PS, vizat do të hiqen brenda këtij viti
English

Mëhilli: Pavarësisht trillimeve të PS, vizat do të hiqen brenda këtij viti

Tiranë, 22 dhjetor NOA - Zëdhënësja e Partisë Demokratike, Erla Mëhilli ka reaguar sot pas deklaratës së deputetit të PS-së, Ilir Gjoni i cili tha sot se Berisha dhe ministrat e tij duhet të kërkojnë ndjesë publike për dështimin në procesin e liberalizimit të vizave.

"Partia Demokratike dhe mazhoranca aktuale gjatë fushatës elektorale u premtuan shqiptarëve në mënyrë të përsëritur, se vizat do të hiqen brenda vitit të parë të këtij mandati dhe gjatë kësaj periudhe Qeveria po përmbush me dhjetëra akte, vendime e qëndrime, detyrime të vendit këto për heqjen e vizave.

Por këto ditë Edvin Rama dhe çeta e bllokmenëve të rinj, pasi i kanë kërkuar Brukselit në mënyrë të përsëritur mos heqjen e vizave për Shqipërinë e Shqiptarët, shpifin e trillojnë çdo ditë për Qeverinë dhe pastaj fërkojnë duart nga gëzimi që u jep….. shpifja e tyre" tha Mëhilli.

Sipas, Mëhillit, Partia Demokratike u deklaron këtyre bllokmenëve që kanë uzurpuar pa asnjë meritë kreun e Partisë Socialiste, se gëzimi i tyre do të jetë shumë i përkohshëm dhe se pavarësisht shpifjeve e trillimeve të tyre, premtimi i mazhorancës do të bëhet realitet ashtu siç është deklaruar, ndërsa opozita do t'u mbetet shpirti i zi i paraardhësve biologjik e historik të cilin e manifestoni çdo ditë.

k.k/NOA

Â

KOMENTE